Министръёс пыриськизы

Ильнур, 13 февраль 2014 - 14:08

1327

12-тӥ феврале район Советлэн кыкетӥ ӧтчамысь 27-тӥ заседаниез луиз. Балтась культура центрлэн зрительной залаз одӥг буш инты но ӧй вал.

Заседание, депутатъёс сяна, районысь хозяйствоослэн, предприятиослэн, организациослэн, школаослэн, культура юртъёслэн кивалтӥсьёссы, ужбергатӥсьёс, религиозной представительёс но пыриськизы.

Ужрадын 2013-тӥ арын районын социально-экономической ужпумъёслэн быдэстӥськемзы но азьпалан сылӥсь ужпумъёс эскериськизы. Эскероно ужпумъя валтӥсь докладэз лэсьтӥз муниципальной районлэн главаез Рамиль Нутфуллин. Озьы ик Шишинер гурт поселенилэн кивалтӥсезлэн Раузит Галиевлэн, районысь дышетонъя управленилэн кивалтӥсезлэн Гульнара Габдрахмановалэн, районысь культура отделлэн кивалтӥсезлэсь ужзэ быдэсъясь Радик Михайловлэн, районысь исполкомлэн экономикая отделэзлэн кивалтӥсезлэн Алмаз Закиевлэн выступлениоссы кылзэмын вал.

Заседание республикаысь кык министръёс - Энгель Фаттахов (дышетон но наука), Лариса Глухова (юстиция) - но Татарстанысь Государственной Советлэн депутатэз Марат Зарипов пыриськизы.