«Мудорвайлэн» тылъёсыз пиштӥзы 2-тӥ люкет + фоторепортаж

Юлия Щербакова, 1 декабрь 2024 - 12:41

395

Дипломъёс но кузьымъёс ас кузёоссэс шедьтӥзы ке но, вожвылъяськон таин гинэ уг быры. Табере вормисьёсты возьма элькунысь сцена. Выль арлы матэктӥсь дыре соос асьсэлэсь быгатонлыкъёссэс Казаньын возьматозы.

«Мудорвайлэн» тылъёсыз пиштӥзы 2-тӥ люкет + фоторепортаж

Тани соос, кин Казане Балтась ёрослэсь данзэ утьыны мыноз:

— Вафина Асель — Балтасьысь 2-тӥ номеро нылпи сад, кылбур «Чимали» (кивалтӥсьёсыз — Ахмадуллина Ф. Ф., Егорова А. Р.);
— Филиппова Эльза — Ципья шоръёзо школа, кылбур «Чебеляй» (кивалтӥсез — Филиппова А. Ю.);
— «Искорки» эктонъя коллектив — Ципья нылпи сад, эктон «Ой, апае, апае» (кивалтӥсез — Тарасова Л. Н.);
— «Веснушки» коллектив — Вуж Кушкет гурт клуб, эктон «Задор мылкыдъёс» (кивалтӥсьёсыз — Хасанов Р. М., Щербакова С. П.);
— Балтасьысь 4-тӥ номеро нылпи садысь коллектив — эктон «Тыпыртон» (кивалтӥсьёссы — Ибрагимова И. Г., Муллагалиева М. М.);
— Раимова Дарья — Ципья нылпи сад, кырӟан «Лымы тӧдьы» (кивалтӥсез — Тарасова Л. Н.);
— Тугумова Милана — Балтась гимназия, кырӟан «Анае басьтӥз дэрем» (кивалтӥсез Ахтямова Р. Р.);
— Петрова Стефания эктсеныз Плотникова Мирославаен — Покчи Лӧзя нылпи сад, кырӟан «Пичи космонавтъёс» (кивалтӥсьсы — Васильева Р. С.);
— Фомина Анна — Ярак-Чурма покчиёзо школа-нылпи сад, кырӟан «Э, пе, ӟазеге» (кивалтӥсез — Емельянова Е. В.);
— Агеев Денис — Покчи Лӧзя лулчеберетъя юрт, кырӟан «Чеберай тулысэ» (кивалтӥсьёсыз — Калимуллин Р. Ю., Петрова Г. Д.);
— Антон но Андрей Камаевъёс — Балтась лулчеберетъя юрт, кырӟан «Вордӥськем музъеме» (кивалтӥсез — Ишмурзина Т. Ю.);
— Ципья шоръёзо школаысь коллектив — кырӟан «Куно пумитан» (кивалтӥсез — Эшмакова А. Г.);
— Сагьдиев Самат но Галимова Зинира — Карадуван нылпи сад, кырӟан «Кык ӟазегъёс (кивалтӥсьёссы — Фомина Е. В., Васильева И. Т.);
— О.Н. Исаев нимо Ӟаны шоръёзо школаысь 2-4 классъёслэн коллективзы — миниатюра «Алдаськись Онтон» (кивалтӥсьёсыз — Камаев В. П., Евдокимова Г. Б., Асакова Л. А., Уськеева Н. М.);
— О.Н. Исаев нимо Ӟаны шоръёзо школаысь 2-4 классъёслэн коллективзы — кырӟан «Такмакъёс» (кивалтӥсьёссы — Евдокимова Г. Б., Асакова Л. А., Уськеева Н. М.).

Ӟечкыласьком вань вормем, призо инты басьтэм нылпиосты но соослэсь кивалтӥсьёссэс! Тӥ — сценалэн зэмос артистъёсыз! Трос калык азьын но кышкасьтэм сямды ноку медаз ышы, мукет ужъёсын но данъямон мед луоды.

Элькун сценаын но Балтась удмуртъёслэсь самой яркыт палъёссэ гинэ возьматыса бертыны сӥзиськом! Нош кылемъёсыз понна «Мудорвай» вамыштэ выль сезонэ. Отын луозы на эшшо но тунсыко малпанъёс, соосты ваньзэ улонэ выжтон понна быдэс арлы сюрес усьтӥське. Нош кызьы калык вера «Сюрес мынӥсьлы гинэ усьтӥське!» Соин но вамыштэ азьлань, утчалэ выль малпанъёс, удмурт кылэз но лулчеберетэз нылпиослы пыӵатэ!

Следите за самым важным и интересным в Telegram-каналеТатмедиа

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.