Мынам песянаелэн ужан династиез

Колхозлэн направлениеныз, Люба сузэреныз но огъёзоосыныз ӵош, Улын Ушмаысь кирпич заводэ ужаны лыктэм. Егит нылъёсты улыны общежитие интыяллям. Нырысь песянае столовойын ужам, собере укладчица луэм. Со аръёсы завод уно пайда поттылэм, кирпичсы быдэс котырын дано луэм. Ужасьёс асьме район гуртъёсысь но быдэс ТР-ысь вуылӥллям. Егитъёс туж ужасесь вылӥллям. Ваньзы эшлыко но шулдыр улӥллям, ӵошен ортчытъяллям праздникъёсты но ужан нуналъёсты. Татын мынам песянае шедьтэм ас яратонзэ но семья кылдытыса, татын ик улыны но ужаны кылем. Песянайлэн куинь нылпиез: Зинаида, Сергей (мынам атае) но Эдуард. Соос пӧлысь но кыкез асьсэ улонзэс кирпич заводэн герӟазы. Зинаида Алексей кузпалэныз ини 20 арлэсь уно укладчица луыса ужа. Эдуард — экскаваторщик. Песянае ужаку, кассир луэм Калинина Татьяна Ивановна. Со но Калининъёслэн ужан династиязы пыре, со песятайелэн Василий вынызлэн кышноез луэ. Татьяна Ивановна но мынам песянае вань ужан сюрессэс кирпич заводлы сӥзизы. Песянаелэн берпум ужан аръёсаз пыдъёсыз висьыны кутскиллям. Сквозняк но сӥзьыл-тулыс кезьытъёс «ас ужзэс» лэсьтӥллям. Собере сое капчигес уже интыяллям (кирпич куасьтэм). Али дыре со дано шутэтсконын луэ. Мыным солэн ортчем улонэз но кирпич заводлэн историез сярысь тодыны туж тунсыко. «Ортчемзэ тодытэк, ӧвӧл алиез, но ӧвӧл вуоноез!»

Гожтӥз Калинина Алина