Николай Михайлович Никифоровез буре вайыса

Асьме аспалмылэн удмурт писательлэн Николай Михайлович Никифоровлэн 70 аресъем юбилеезлы сӥзьыса, туэ 22 шуркынмонэ Шор Кушкет шоръёзо школаын куинетӥез улоскуспо научно-практической конференция радъяськоз. Туэ но конференцилэн пуштросэз узыр луоз шуыса витиське. 

Конференцилэн ужез вить ӧръя нуиськоз:

1. «Этнокультурное образование в дошкольных образовательных организациях: эффективные практики». Татчы пыриськыны быгато визьнодасьёс но дошкольной учреждениосысь педагогъёс.

2. «Современные технологии и электронные цифровые ресурсы в преподавании родного языка и литературы, иностранного языка». Таиз ӧр вордскем но кунгож кылъёсъя дышетӥсьёслы чакламын.

3. «Творчество Н. М. Никифорова в удмуртской литературе» — 5-11 классъёсысь дышетскисьёслы чаклам туркым (группа).

4. «Художественное чтение с инсценированием» — 1-4 классъёсысь дышетскисьёс понна радъям туркым.

5. «Видеоролики, записанные по произведениям Н. М. Никифорова». Татчы 5-11 классъёсысь дышетскисьёс пыриськозы.

Конференция нуиськоз удмурт но ӟуч кылъёсын. Заявкаос 8 шуркынмонозь кутӥськозы на. Рос-прос ивортодэт Шор Кушкет шоръёзо школалэн ВКонтакте бамысьтыз шедьтыны быгатоды. 

Нялтас вераса, кылем арын Шор Кушкет шоръёзо школаын, нимысьтыз Н. М. Никифоровлы сӥзьыса, удмурт кылъя но литературая кабинет усьтэмын вал.