Нылкышноос – Атай музъемез возьмасьёс (1 люкет)

Нылкышноосыз жугиськонэ басьтон ужпумлы правительство нимысьтыз саклык висъям, семейной положенизэс лыдэ басьтэм, основной хозяйственной удысъёсын, кивалтӥсь постъёсын ужасьёсыз басьтымтэзы. Кылсярысь, противовоздушной оборонае (ПВО) 19-20 аресъем нылъёсыз басьтӥллям. Соослэн тодон-валанзы 4 класслэсь но кулэс луоно ӧй вал, ӟуч кылэз тодон условие пуктэмын, котькудӥзлэн медицинской картаез луэм, соос 110 часъем программаем военной подготовка ортчиллям, ӟуч кылэз дышетон курсъёсын дышетскиллям. Механизатор нылкышноос, студентъёс, банкын ужасьёс армие басьтӥськымтэзы. 

Армиын служить каронлэсь мозмытэм бере, соослы бертыса вуытозязы паёк, озьы ик котькинлы 240 манет уксё сётӥллям. Возьмаськыса кылем куд-ог характеристикаосын таӵе чуръёс вань, со чуръёс асьме нылкышноосмылы сётэм бадӟым дунъет. «Порядочной, аслыз оскем ужез умой быдэсъя, аслэсьтыз ӧнерзэ умой тодэ, мӧйыослы, командиръёслы гажаса вазиське, котьку юрттыны дась, ужъёсын ассэ батыр сямен возьматӥз, военной но политической подготовкаез туж умой». Нош таӵе дунъет басьтыны туж ик капчи луымтэ, дыр. 

Нош табере соослэн тодмо луэмъёсызлэсь нимъёссэс-фамилиоссэс, кыӵе частьын служить каремзэс вераса кошкоме. 

Пахомова Мария. 1922 арын вордскем, младшой лейтенант, медицина удысын ужась, жугиськон аръёсы Отечествоез возьманэ пыриське. 
Волкова Александра. 1924 арын вордскем, Дургаысь. 1943 арын сентябрьысен 1945 арын августозь 1874-тӥ зенитно-артиллерийской полкын служить каре. 
Петрова Мария. 1924 арын вордскем, Ямбуровоысь. 1943 арын июльысен одӥг ар 38-тӥ зенитно-артиллерийской полкын, 1944 арын августысен 1945 арын февралёзь 206-тӥ стрелковой полкын служить каре. 
Хабибуллина Махианвар. 1924 арын Шудаын вордскем. 1942 арын апрельысен 1946 арын августозь военизированной противотанковой командаын служить каре. 
Архипова Анастасия. 1914 арын вордскем, Шубанысь. 1941 арын майысен 1944 арын январёзь 35-тӥ связья полкын служить каре. 
Осипова (Бламыкова) Лидия. 1924 арын вордскем, Большие Лызи гуртысь. 1942 арын февральысен, жугиськон быдмытозь 226-тӥ радиодивизионын служить каре, «За боевые заслуги» медален наградить каремын. 
Прокопьева (Гаврилова) Евдокия. 1914 арын Большие Лызи гуртын вордскем. 1943 арын июльысен одӥг ар зенитно-пулемётной полкын (ПВО) служить каре. 
Фомина (Петрова) Мария. 1923 арын июльысен 1945 арын августозь 11-тӥ зенитно-пулемётной полкын (ПВО) служить каре. 
Наумова Александра. 1918 арын Большие Лызи гуртын вордскем, сержант. 1941-43 аръёсы военной госпитальын служить каре.
Дабакова Мария. 1915 арын Ципьяын вордскем. 1944 арын июньысен 1945 ар кутскытозь миномётчик луэ, сержант. 
Демидова (Герасимова) Фёкла. 1920 арын вордскем, Ципьяысь. 1942 арын июньысен 1945 арын маёзь госпитальын служить каре. 
Захарова Анисия. 1924 арын Ципьяын вордске. 1942 арын июльысен 1943 арын сентябрёзь механизированной бригадаын служить каре. «За боевые заслуги» медален наградить каремын.
Плотникова Федосия. 1923 арын Сырья гуртын вордскем. 1942 арын июнь-декабрь толэзьёсы 35-тӥ связной полкын служить каре. 
Шведова Надежда. 1922 арын Ципьяын вордскем. 1943 арын июньысен жугиськон быдмытозь 18712-тӥ зенитно-артиллерийской полкын луэ. 
Бревнева Раиса. 1921 арын вордскем, Ципьяысь. 1941 арын июльысен 1945 ар пумозь 184-тӥ МВД-ысь стрелковой полкын, 173-тӥ ПВО полкын луэ. 
Зарипова Рахима. 1924 арын вордскем, Ципьяысь. 1943 арын августысен кык ар санитарной частьёсын служить каре. 
Копарова Марфа. 1919 арын вордскем, Ципьяысь. 1943 ар кутсконысен жугиськон быдмытозь связист луыса служить каре, сержант. 
Набиева Фатима. 1923 арын Смаильын вордскем. 1942 арын майысен жугиськон быдмытозь 1086-тӥ полкын служить каре. 
Исаева Мария. 1923 арын Старый Кушкет гуртын вордскем. 1943 арын июньысен жугиськон быдмытозь 37-тӥ зенитно-пулемётной полкын служить каре. 
Мухамметгалиева Зиган. 1920 арын Янгулын вордскем. 1943 ар кутсконысен жугиськон быдмытозь 4-тӥ ПВО полкын служить каре.
Хакимова Разия. 1923 арын Салаусьын вордскем. 1942 арын февральысен жугиськон быдмытозь 136-тӥ сюресъёс лэсьтонъя батальонын служить каре. Берлинозь мыныса вуэ, «За боевые заслуги» медален наградить каремын.
Бегашева Надежда. 1920 арын Старый Кушкетын вордскем. 1942-45 аръёсы 45-тӥ зенитно-пулемётной полкын служить каре. 
Сафиуллина Амина. 1918 арын вордскем, Янгулысь. 1943 ар кутсконысен жугиськон быдмытозь 4-тӥ ПВО полкын служить каре, Ленинградэз мозмытонэ пыриське. 
Тимофеева Ольга. 1924 арын Старый Кушкетын вордскем. 1942 арын апрельысен 1945 арын маёзь военной противопожарной полкын служить каре, военной действиосы пыриське. 
Низаметдинова Рахима. 1923 арын вордскем, Янгулысь. 1941-45 аръёсы госпитальын медсестра луыса ужа, старшой сержант. 
Мухамметшина Сайда. 1920 арын Тюнтерын вордскем. 1943 арын майысен 1945 арын сентябрёзь 34-тӥ авиационной полкын служить каре. 
Тимофеева Мария. 1922 арын Старый Кушкетын вордскем. 1943 ар кутсконысен жугиськон быдмытозь ПВО войскоосын служить каре, Лениградэз возьманэ пыриське. 
Иванова (Степанова) Марфа. 1923 арын Пор-Кутеш гуртын вордскем. 1942 арын ноябрьысен жугиськон быдмытозь зенитно-артиллерийской полкын служить каре. 
Шакирзянова (Юсупова) Мунира. 1920 арын Салаусьын вордскем. 287-тӥ стрелковой дивизиын медико-санитарной батальонын служить каре. 
Галиева Нафика. 1919 арын Карадуванын вордскем. 1945 арын август-сентябрь толэзьёсы 411-тӥ артиллерийской полкын служить каре. 
Гумерова Таскира. 1924 арын вордскем, Тавзар гуртысь. 1943 арын августысен кык ар 1873-тӥ зенитно-артиллерийской полкын служить каре. 
Гилязева Анвар. 1920 арын вордскем, Балтасьысь. 1943 арын апрельысен 1944 арын августозь ПВО войскоосын ожмаське. 
Гилязева Хамида. 1924 арын вордскем, Балтасьысь. 1943 февральысен жугиськон быдмытозь 392-тӥ стрелковой полкын служить каре. 
Гарифуллина (Хадиева) Мунавара. 1920 арын вордскем, 1942 арын сентябрьысен 1944 арын ноябрёзь 11-тӥ зенитно-пулемётной полкын служить каре, «За боевые заслуги» медален наградить каремын.
Гумерова Магсума. 1922 арын Курмоло гуртын вордскем. 1942-45 аръёсы связист луыса служить каре. 
Закирова (Караваева) Мария. 1924 арын Ципьяын вордскем, 1943-45 аръёсы 37-тӥ зенитно-пулемётной полкын служить каре. 
Муртазина Майсара. 1920 арын Балтасьын вордскем. 1942 арын июльысен 1945 арын сентябрёзь госпитальёсын служить каре. 
Фахретдинова (Залилова) Фатима. 1922 арын Балтасьын вордскем, 1942 арын майысен 1945 арын сентябрёзь 10-тӥ воздушной армиын служить каре, Сталинградэз мозмытонэ пыриське. 
Хабибуллина Гульзихан. 1920 арын Балтасьын вордскем. 1942 арын июльысен 1945 арын октябрёзь 4282-тӥ госпитальын служить каре. 
Крашенникова Любовь. 1922 арын вордскем, Малые Лызиысь. 1942 арын майысен 1945 арын июлёзь госпитальёсын служить каре, младшой сержант.
Макарова Мария. 1920 арын вордскем, Улын Ушма гуртысь. 1942 арын апрельысен жугиськон быдмытозь пӧртэм частьёсын служить каре. 
Сафиуллина Насима. 1920 арын Бурнакын вордскем. 1942 арын 48-тӥ связья батальонын служить каре. 
Шафигуллина Оммикамал. 1908 арын вордскем, Малые Лызиысь. 1943 арын ноябрёзь 3655-тӥ госпитальын медицина удысын ужась луэ. Сталинградэз мозмытонэ пыриське. 
Хуснетдинова Нурзихан. 1924 арын Бурбашын вордскем. 1942 арын июньысен 1945 арын октябрёзь 135-тӥ госпитальын служить каре.