Нюлэскы пырыса...
Шунды потыса мыняны кутскем бере мылкыд ачиз инкуазе кыске, нюлэскы мынэм потыны кутске. Секрет ӧвӧл, тылскыса шашлык но дасям потэ, но уг яра, соку ик нюлэсэз утисьёс лыктыса алозы, ӧд ке кылзы, штраф но поныны быгато.
Нош асьмеос та алонъёс шоры валаса учкыны кулэ, малы ке шуоно нюлэсъёсмес тылпулэсь утён асьме бордысь ик потэ. Та сярысь Арча нюлэс хозяйство кивалтӥсен Шамиль Хайруллинэн но вераськимы:
— Милям эскереммы улсы Балтась, Арча, Атня нюлэс территориос пыро, — шуиз со. — Татысь организациосын, гурт хозяйство обществоосын огкылъёс гожтэмын, сыӵе-таӵе учыр луиз ке, соослэн дружинаоссы, бригадаоссы вакчи дыр куспын юрттэт сётыны кулэ. Калыклы тулыс но, гужем нюлэскын чебереныз синмаськыса гинэ ветлыны ӵектысал, тылскыны, тамак кыскыны уг яра. Милям нюлэс мастеръёсмы быдэс территориын та ласянь активной эскерон уж нуо. Зэмзэ но, инкуазез утён асьме бордысь потэ.
Район калык 6-7 ар талэсь азьло Мари Элын ӝуам нюлэсъёсты али тодаз возе, дыр. Соку Каракуль вадьсысь ӵын кӧня ке нунал ӵоже кыстӥськиз, шоканы но секыт вал. Сыӵе кышкыт учыръёс медаз луэ шуыса, асьме бордысь потӥсь утиськон ужрадъёсты быдэстоме.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев