Ӝоген Йӧвылэсултон

Тани кӧня ке огшоры правилаос, кудъёссэ Йӧвылэсултон дыръя радъям пыласьконъёсын одно ик котькуд адямилы быдэстыны кулэ:

— Азьвыл ик тодэлэ, кытын но ку адямиос вуэн пыласькыны мынозы;

— Вуэ пыласькон азьын одно ик зарядка лэсьтэлэ, мугордэс шунытон понна;

— Люкмес доры каллен гинэ лыктэ, эн дыртэ;

— Лёгетъёстӥ каллен ваське. Эн вунэтэ: йӧ вольыт, усьыны быгатӥськоды;

— Йырыныды вуэ пыремлэсь азьло нырысь ик киостэс, пыдъёстэс, чыртыдэс вуэн коттыны кулэ. Собере ини зымыны быгатӥськоды;

— Вуын одӥг минутлэсь но тросгес эн улэ;

— Потыкуды но сак луэ: киыныды кутӥськыса потэ;

— Вуысь потэмды бере, бамкышетэн ӵушиське но шуныт дӥсяське. Пӧсь чай юиды ке, туж умой луоз.

Котькуд адями мед валасал: Йӧвылэпотон дыръя одно ик кезьыт люкмесын пыласьконо шуэм кыл ӧвӧл. Кин кызьы быгатэ — кин ке пылаське вуын, кин ке ымныръёссэ, мугорзэ гинэ коттэ. Татын номыр уродэз ӧвӧл. Эн вунэтэ: асьтэлэн тазалыкты асьтэлэн киосады.