«Пӧртэм калыкысь луиськомы бере, валче луон ми понна бадӟым но кылкутымон вамыш луиз»

Гуртын вордскем но будэм егитъёс ӵемысь вордскем палъёссэс бадӟым городъёслы вошто — отысь улон темп, бадӟым перспективаос соосты бордазы кыско кадь. Та ласянь егитъёсты валаны но луэ. Но со шоры учкытэк гуртэ улыны интыяськем, анай-атайёссэс огназы кельтымтэ егит семьяос синмаськыто. Сыӵе семьяос, кудъёсаз вордскем палъёссылы яратон ворме.

Шумпотымон, ёросамы сыӵе семьяос ӧжыт ӧвӧл. Покчи Лӧзя гуртын улӥсь Зиатдиновъёс — ӵапак сыӵеос пӧлысь. Та семьяен Калык огазеяськон нуналэн валче тодматскон туж интыяз луиз. Малы ке шуоно кузпалъёс пӧртэм калыкысь луо: Радик Рифатович бигер, нош Надежда Витальевна — удмурт.

«Кузпалъяськытозь, вань чыры-пырыосты малпаськимы»

Зиатдиновъёс — кыкназы но Балтась ёрослэн коренной улӥсьёсыз. Радик Рифатович Балтасьысь, кышноез — Покчи Лӧзяысь. Шонерзэ верано ке, Улын Ушма гуртысь (Надеждалы 3 арес луыку, семьяез Покчи Лӧзяе улыны выже). Тодматскиллям соос 2009-тӥ арын Балтасьын, нош кузпалъяськиллям 2015-тӥ арын.

Тодматскемзы бере ик валче луымтэзы егитъёс, ӝыны ар ортчыса гинэ. Соку Надежда, Казаньысь педучилищеысь англи кылъя отделениез йылпумъяса, Улын Ушма гуртысь школаын дышетэ ини (отын со школаез ворсатозязы ньыль ар ӵоже ужа). Нош вуоно кузпалыз Радик студент луэ на.

— Пӧртэм калыкысь луиськомы бере, валче луон ми понна бадӟым но кылкутымон вамыш луиз, — вераны кутске

Гуртын вордскем но будэм егитъёс ӵемысь вордскем палъёссэс бадӟым городъёслы вошто — отысь улон темп, бадӟым перспективаос соосты бордазы кыско кадь. Та ласянь егитъёсты валаны но луэ. Но со шоры учкытэк гуртэ улыны интыяськем, анай-атайёссэс огназы кельтымтэ егит семьяос синмаськыто. Сыӵе семьяос, кудъёсаз вордскем палъёссылы яратон ворме.

Шумпотымон, ёросамы сыӵе семьяос ӧжыт ӧвӧл. Покчи Лӧзя гуртын улӥсь Зиатдиновъёс — ӵапак сыӵеос пӧлысь. Та семьяен Калык огазеяськон нуналэн валче тодматскон туж интыяз луиз. Малы ке шуоно кузпалъёс пӧртэм калыкысь луо: Радик Рифатович бигер, нош Надежда Витальевна — удмурт.

«Кузпалъяськытозь, вань чыры-пырыосты малпаськимы»

Зиатдиновъёс — кыкназы но Балтась ёрослэн коренной улӥсьёсыз. Радик Рифатович Балтасьысь, кышноез — Покчи Лӧзяысь. Шонерзэ верано ке, Улын Ушма гуртысь (Надеждалы 3 арес луыку, семьяез Покчи Лӧзяе улыны выже). Тодматскиллям соос 2009-тӥ арын Балтасьын, нош кузпалъяськиллям 2015-тӥ арын.

Тодматскемзы бере ик валче луымтэзы егитъёс, ӝыны ар ортчыса гинэ. Соку Надежда, Казаньысь педучилищеысь англи кылъя отделениез йылпумъяса, Улын Ушма гуртысь школаын дышетэ ини (отын со школаез ворсатозязы ньыль ар ӵоже ужа). Нош вуоно кузпалыз Радик студент луэ на.

— Пӧртэм калыкысь луиськомы бере, валче луон ми понна бадӟым но кылкутымон вамыш луиз, — вераны кутске Надежда Витальевна. – Соин, дыр, со вамышез лэсьтэмлэсь азьло кема малпаськимы. Вераськимы, кызьы умойгес луоз кыкнамылы но. Кыкпаласен но бадӟым поддержка луиз.

Удмурт, бигер, ӟуч кылын вераськись… англи кылъя дышетӥсь

Егит дырысеныз бигер кылэз умой тодэ вал бере, картлы кошкыса но Надежда Витальевналы вераськон ласянь шуг-секытэн пумиськоно уг луы.

— 2003-тӥ арын, Казаньысь педучилищеез йылпумъяме бере, Балтасьысь «Романтик» лагерьын ужаны кутски. Отын ик бигер кылэз но дышетски, тросэз нылпиос бигер калыкысь вал бере. Соин вераськон ласянь кузпалэным но, анайзыен-атайзыен но, мукет выль ӵыжы-выжыосыным но шуг-секытъёс ӧз кылдэ. Выль семьяям монэ шуныт пумитазы. Вераськыны ӧй быгатысал ке но, нокин ӧй тышкаськысал, — азьланьтэ веранзэ кышномурт. 

Надежда Витальевна школаын дышетскем дыръёсысеныз визьмо но грамотной дышетскись луэм. Олимпиадаосы но со мыло-кыдо пыриськылэм. Гуманитарной направлениен гинэ ӧвӧл, техническоен но. Математикаез но со умой тодэ. Нялтас вераса, та дисциплиная дышетӥсьлы дышетскемез но вань вылэм солэн. Кӧня ке дыр ӵоже математикая дышетись луыса ужаны но вутскем со. 

— Школаын дышетскыку, нырысь математикаез тужгес матын кари. Оло, та анае Лидия Михайловна математикая дышетӥсь луыса ужамен герӟаськем, дыр. Бадӟым классъёсын англи кылэз матынгес карыны кутски. Туннэ нуналэ юасалзы ке, кудӥз предмет мыным тужгес кельше шуыса, мон кудзэ бырйыны но ӧй тодысал, дыр. Малы ке шуоно кыкез но кельше.

Тунсыко: туэ Покчи Лӧзя школаын бадӟым удмурт диктант гожтонэ пыриськыса, Надежда Витальевна огназ ужзэ 100 баллы, одӥг янгыштэк но гожтыны быгатэм. Та гинэ но тросэз сярысь вера.

«Нылмы удмурт кылэз но, бигерзэ но мед тодоз кадь потэ»

Аслэсьтыз куинь аресъем Илиана нылзэ но Надежда Витальевна удмурт кылэн вераськыны дышетэ вылэм.

— Мон тазьы малпасько: котькуд адями аслэсьтыз анай-атай кылзэ тодыны кулэ. Соин нылмылы удмурт кылэз дышетэме потэ, бигерзэ но со мед дышетскоз. Та ласянь кузпалэ монэ поддерживать каре. Но семьяямы тросгес ӟуч кылын вераськиськомы, малы ке шуоно Радик удмурт кылэз уг тоды, — шуэ кышномурт.

Пичи Илиана туннэ нуналэ куинь кылэз тодэ ини — ӟуч, удмурт, бигер кылъёсты. Покчи Лӧзя садикын но, кытчы нылаш ветлэ, визьнодасьёс нылпиосын куинь кылэн верасько, талы Зиатдиновъёс шумпото гинэ.

Надежда Витальевна — шудо ныл, кузпал, анай, дышетӥсь

Туннэ нуналэ Зиатдиновъёс Покчи Лӧзя гуртын вить ӵошен уло: Радик но Надежда, нылзы Илиана но Надеждалэн анай-атайёсыз Лидия Михайловна но Виталий Петрович. Лидия Михайловна Покчи Лӧзяын математикая дышетӥсь луыса ужам, Виталий Петрович школаын завхоз но, кочегар но луэм, ЖКХ-ын оператор но. Туннэ нуналэ кыкназы но дано шутэтсконын. Радик Рифатовичлэн аслаз бизнесэз — Карадуван гуртын автосервисэз — вань, со сяна воргорон «Сихат» аптекаосын администратор луыса но ужа вылэм (та солэн анаезлэн бизнесэз). Надежда Витальевна кема аръёс ӵоже ини Покчи Лӧзя шоръёзо школаын англи кылъя дышетэ, кылем арысен директорлэн дышетонъя воштӥсез но луэ. Дышетӥсьлэн ушъяськымон но данъяськымон вормонъёсыз но вань ини. Кылсярысь, солэн куинь республиканской грантъёсыз вань: 2009-тӥ но 2013-тӥ аръёсын «Алгарыш» республиканской грантэз, нош 2011-тӥ арын «Наш лучший учитель» республиканской грантэз утэм. Огпол озьы одӥг толэзьлы Англие, Великобритание но дышетскыны ветлэм, ужаз кутон понна выль технологиослы дышетскем. 2015-тӥ арын «Арлэн дышетӥсез» конкурслэн муниципал  этапаз 2-тӥ интыен пусйиськем (соку Надежда Витальевна математикаез дышетэм).

—  Кышномурт соку шудо луэ, куке со ваньмыз ласянь ассэ реализовать карыны быгатэ. Туннэ нуналэ мон шудо ныл, кузпал, анай, дышетӥсь. Кузпалэ яратэ, анайзые но атайзые гажало, ӵемысь ог-огмы доры куное ветлӥськомы. Шудо кышномурт луон понна мукет номыр но кулэ ӧвӧл, улонмы гинэ каньыл мед луоз, — йылпумъяз веранзэ дышетӥсь.

Та кылъёсыныз котькин соглаш кариськоз, дыр. Кыӵе калыкысь гинэ ӧм луэ, кыӵе осконэн гинэ ӧм улэ — асьмеос ваньмы нырысь ик адямиос. Туннэ нуналэ тае эшшо но умойгес валаськомы…

. – Соин, дыр, со вамышез лэсьтэмлэсь азьло кема малпаськимы. Вераськимы, кызьы умойгес луоз кыкнамылы но. Кыкпаласен но бадӟым поддержка луиз.

Удмурт, бигер, ӟуч кылын вераськись… англи кылъя дышетӥсь

Егит дырысеныз бигер кылэз умой тодэ вал бере, картлы кошкыса но Надежда Витальевналы вераськон ласянь шуг-секытэн пумиськоно уг луы.

— 2003-тӥ арын, Казаньысь педучилищеез йылпумъяме бере, Балтасьысь «Романтик» лагерьын ужаны кутски. Отын ик бигер кылэз но дышетски, тросэз нылпиос бигер калыкысь вал бере. Соин вераськон ласянь кузпалэным но, анайзыен-атайзыен но, мукет выль ӵыжы-выжыосыным но шуг-секытъёс ӧз кылдэ. Выль семьяям монэ шуныт пумитазы. Вераськыны ӧй быгатысал ке но, нокин ӧй тышкаськысал, — азьланьтэ веранзэ кышномурт. 

Надежда Витальевна школаын дышетскем дыръёсысеныз визьмо но грамотной дышетскись луэм. Олимпиадаосы но со мыло-кыдо пыриськылэм. Гуманитарной направлениен гинэ ӧвӧл, техническоен но. Математикаез но со умой тодэ. Нялтас вераса, та дисциплиная дышетӥсьлы дышетскемез но вань вылэм солэн. Кӧня ке дыр ӵоже математикая дышетись луыса ужаны но вутскем со. 

— Школаын дышетскыку, нырысь математикаез тужгес матын кари. Оло, та анае Лидия Михайловна математикая дышетӥсь луыса ужамен герӟаськем, дыр. Бадӟым классъёсын англи кылэз матынгес карыны кутски. Туннэ нуналэ юасалзы ке, кудӥз предмет мыным тужгес кельше шуыса, мон кудзэ бырйыны но ӧй тодысал, дыр. Малы ке шуоно кыкез но кельше.

Тунсыко: туэ Покчи Лӧзя школаын бадӟым удмурт диктант гожтонэ пыриськыса, Надежда Витальевна огназ ужзэ 100 баллы, одӥг янгыштэк но гожтыны быгатэм. Та гинэ но тросэз сярысь вера.

«Нылмы удмурт кылэз но, бигерзэ но мед тодоз кадь потэ»

Аслэсьтыз куинь аресъем Илиана нылзэ но Надежда Витальевна удмурт кылэн вераськыны дышетэ вылэм.

— Мон тазьы малпасько: котькуд адями аслэсьтыз анай-атай кылзэ тодыны кулэ. Соин нылмылы удмурт кылэз дышетэме потэ, бигерзэ но со мед дышетскоз. Та ласянь кузпалэ монэ поддерживать каре. Но семьяямы тросгес ӟуч кылын вераськиськомы, малы ке шуоно Радик удмурт кылэз уг тоды, — шуэ кышномурт.

Пичи Илиана туннэ нуналэ куинь кылэз тодэ ини — ӟуч, удмурт, бигер кылъёсты. Покчи Лӧзя садикын но, кытчы нылаш ветлэ, визьнодасьёс нылпиосын куинь кылэн верасько, талы Зиатдиновъёс шумпото гинэ.

Надежда Витальевна — шудо ныл, кузпал, анай, дышетӥсь

Туннэ нуналэ Зиатдиновъёс Покчи Лӧзя гуртын вить ӵошен уло: Радик но Надежда, нылзы Илиана но Надеждалэн анай-атайёсыз Лидия Михайловна но Виталий Петрович. Лидия Михайловна Покчи Лӧзяын математикая дышетӥсь луыса ужам, Виталий Петрович школаын завхоз но, кочегар но луэм, ЖКХ-ын оператор но. Туннэ нуналэ кыкназы но дано шутэтсконын. Радик Рифатовичлэн аслаз бизнесэз — Карадуван гуртын автосервисэз — вань, со сяна воргорон «Сихат» аптекаосын администратор луыса но ужа вылэм (та солэн анаезлэн бизнесэз). Надежда Витальевна кема аръёс ӵоже ини Покчи Лӧзя шоръёзо школаын англи кылъя дышетэ, кылем арысен директорлэн дышетонъя воштӥсез но луэ. Дышетӥсьлэн ушъяськымон но данъяськымон вормонъёсыз но вань ини. Кылсярысь, солэн куинь республиканской грантъёсыз вань: 2009-тӥ но 2013-тӥ аръёсын «Алгарыш» республиканской грантэз, нош 2011-тӥ арын «Наш лучший учитель» республиканской грантэз утэм. Огпол озьы одӥг толэзьлы Англие, Великобритание но дышетскыны ветлэм, ужаз кутон понна выль технологиослы дышетскем. 2015-тӥ арын «Арлэн дышетӥсез» конкурслэн муниципал  этапаз 2-тӥ интыен пусйиськем (соку Надежда Витальевна математикаез дышетэм).

—  Кышномурт соку шудо луэ, куке со ваньмыз ласянь ассэ реализовать карыны быгатэ. Туннэ нуналэ мон шудо ныл, кузпал, анай, дышетӥсь. Кузпалэ яратэ, анайзые но атайзые гажало, ӵемысь ог-огмы доры куное ветлӥськомы. Шудо кышномурт луон понна мукет номыр но кулэ ӧвӧл, улонмы гинэ каньыл мед луоз, — йылпумъяз веранзэ дышетӥсь.

Та кылъёсыныз котькин соглаш кариськоз, дыр. Кыӵе калыкысь гинэ ӧм луэ, кыӵе осконэн гинэ ӧм улэ — асьмеос ваньмы нырысь ик адямиос. Туннэ нуналэ тае эшшо но умойгес валаськомы…