Солдат орденъёс

ЗАХАРОВ ПАВЕЛ АНДРЕЕВИЧ

III степенё Слава орденлэн кавалерез.

Вордӥське 7-тӥ оштолэзе 1920-тӥ арын Пор-Кутеш гуртын. Ӟаны школаын куать классэз йылпумъя. 1940-тӥ арозь вордскем гуртаз колхозын ужа. 1940-тӥ арын Горд Армилэн радъёсаз басьто. Татысен ик Быдӟым оже шеде.

Солэн кузь ожгар сюресаз ваньмыз вал: чигнанлэн курытэз, ожгар эшъёссэ ыштэмлэсь вӧсь луон, вормон наступленилэн, вордскем кунзэ но Европаысь калыкъёсты мозмытонлэн шумпотонэз.

Кык пол ожлудын секыт сӧсырме, бурмыса, выльысь строе султэ. Ожысь подвигъёсыз понна I степенё Отечественной война, III степенё Слава орденъёсын, трос медальёсын пусъемын.
Война бере П. А. Захаров кема аръёс ӵоже «Дружба» колхозын тракторист, бригадир, огшоры ужась луыса ужа.

Гожтэм но туспуктэм Гарифзян Мухамметшинлэн Балтась энциклопедиысьтыз басьтэмын