Солдат орденъёс

КУМАЕВ КОНСТАНТИН СТЕПАНОВИЧ

III степенё Слава орденлэн кавалерез.

Вордске 1920-тӥ арын 5-тӥ коньывуонэ Ципья черкогуртын. 1938-тӥ арын Ципья шоръёзо школаез йылпумъя. Быдэс улон сюресэз К. Кумаевлэн егит поколениез визьноданлы сӥземын вал: нырысь одӥг ар Удмурт АССР-ысь Кизнер ёросын, 1939-тӥ арысен 1980-тӥ арозь Ципья шоръёзо школаын физикалы но математикалы дышетэ. 1958-тӥ арын заочно Казаньысь педагогикая кун институтысь физикая но математикая факультетэз йылпумъя.

Аслаз лякыт сямыныз, тыршеменыз, ас ужзэ сюлмысь яратэменыз ӵош ужась эшъёсыз но гуртын улӥсьёс пӧлын мур гажамон луиз. Со лякыт, интеллигентной, лэчыт визьмо, чидась, пуктэм ужпумзэ быдэстыны тыршись адями луэменыз висъяськиз.

Тросэзлы егит дышетӥсьёслы визь-нод сётӥсь вал. Дышетон удысын бадӟым ужъёсыз понна 1966-тӥ арын пусъемын «РСФСР-ысь калыкез дышетонъя отличник» гадьпусэн.

К. С. Кумаев Быдӟым тыложе пыриськиз, кузь но шимес ож сюресэз ортчиз. Ожмаськемез понна пусъемын III степенё Слава орденэн, II степенё Отечественной война орденэн, уно медальёсын.

Кулӥз 1992-тӥ арын 28-тӥ толсуре, ватэмын Ципья гуртлэн шайвылаз.