Шулдыр пумиськон

Ципья черкогуртысь «Наз» реабилитацияя ёзэтын ялан сямен тунсыко пумиськонъёс, творческой ужрадъёс ортчо. 

Ӵемысь социальной реабилитация ортчисьёслэсь шутэтскон дырзэс радъяло Ципья лулчеберетъя юрын ужасьёс, арлыдоосты чебер концерт номеръёсын шумпотто. Нош тани 9-тӥ шуркынмонэ «Назын» шутэтскисьёс доры вуылӥзы Покчи Лӧзя лулчеберетъя юртысь но Княбаш гурт клубысь художественной самодеятельносте пыриськисьёс. Концерт яркыт, тунсыко ортчиз. 

Чузъяськизы ӟуч, удмурт но бигер кырӟанъёс, эктонъёс. Крезьгуро люкетэз бере шутэтскисьёс понна тунсыко, вырӟытӥсь шудонъёс ортчытӥзы. Пумиськонлэн пумаз учкисьёс, шумпотон но сюлмаськон сётэмзы понна, радъясьёслы туж бадӟым тау каризы.