Толалтэ

Ӟичылэн пыдберыз, вурыс кадь, тяпа бере тяпа, тол сюрес кузя мынэ. Коньы сюрес вамен потэм но, пуштрес быжзэ ӝутыса, ӝогак вож кызэ тубем.

Кыз йылъёсын — пеймыт лемлет кускыли пурыос. Кышкасьтэм тэль пислэгъёс кускылиысен кускылие тэтчало, кайсыос ваче верасько. Нош улын, палэзьпуын, горд гадё шушыос азя-пазя (пазяськыса) пуксемын. Азвесь гӧрез курткыса, быдэс уллёен лобӟизы но, ӵыжыт весь выллем, гольык кызьпу вае пуксизы.

Школа вӧзтӥ лёгаськем паськыт сюрес кылдӥз.

Нюлэс корась колхозникъёс нюлэскы мыно, нюлэс корасьёслэн тушсы тӧдьы, мыйыказы йӧӟузыри. Пиналъёс школае бызё, гын сапегъёсын ӟукырто, пӧзьёсынызы чабыло:

— Ой тон, кезьыт!

Нош Кезьыт нюлэскы чильтэръёс ошылӥз — пероен но уд гожты, выжыкылын но уд вера. Янгышен йӧтӥськод — изьы вылад капчи алмаз пырыос виялозы.

(Авторез И. Соколов-Микитов)

Удмурт кылэ берыктӥз Василий Никитин