Толэз келяськомы

Спартакиадае Балтась посёлокысь производственной предприятиосын, организациосын но учреждениосын ужасьёс, ужбергатӥсьёс пыриськозы. Ужрад «Балтась йӧл-вӧй комбинат» дорысь площадкаын ортчоз. Ӵукна 9.00 часысен 9.45 часозь регистрация мыноз. 10.00 часэн праздникез усьтон торжество луоз, 10 час 30 минутэн ӵошатсконъёс кутскозы. Кивалтӥсьёс бобслейя, пневматической пыӵалэн ыбылӥськонъя кужымзэс эскерозы. Нылкышноос но пиосмуртъёс понна куасэн бызьылонъя эстафета, силовой троеборьея, копьё лэзьянъя, канатэн кыстаськонъя но семья эстафета луоз. Мини-футболъя, сапег куянъя, снегоходъёсын ветлонъя ӵошатсконъёс но пиналъёс понна трос пӧртэм спортивной шудонъёс радъямын луозы. Семьяен ӵошатсконъёсы пыриськон понна семьяысь котькуд муртлэн личностьсэ юнматӥсь документэз луыны кулэ.

Ваньдэсыз но празднике ӧтиськом. Гажаса лыктэ!