ТУПАСА УЛОН, УЖ, МАЙ

Дуннеын кин тужгес бадӟымез, 
Кин тужгес но ӟечез, даноез? 
Кин бен со? Нош кызьы-о нимыз? 
Бен, озьы, валамон – со Ужмы. 

Дуннеын кин тужгес визьмоез, 
Кин тужгес мӧйыэз, пиналэз? 
Кин бен со? Нош кызьы-о нимыз? 
Бен, озьы, валамон – со Ужмы. 

Кин быдэс дауръёс но аръёс 
Инкуазьлэн ӟеч зэмос эксэез? 
Кин музъем ваньбурлэн, 
Бусылэн, 
Заводлэн эксэез? 
Кин бен со? Нош кызьы-о нимыз? 
Бен, озьы валамон –со Ужмы, (берыктӥз Ник.В.П.) 

НЫРЫСЕТӤ МАЙ (Виталий Доич) 

Ӵукна сайкай но кыллисько, 
Укно шоры учкылӥсько. 
Мыным тодмо, матын ваньмыз, 
Шунды пыре корка сьӧрысь. 

Укно сьӧрын каньыл дунне, 
Калык чус-чус изе корказ. 
Урам кузя тулыс гинэ, 
Кудӟем выллем, берга огназ. 

Сюлэм шӧдэ мае ке но: 
Уже ӧвӧл ук мыноно. 
Потэ - кылльы, потэ - султы, 
Нырысетӥ Май туннэ! (берыктӥз Ник.В.П.) 

ПЕРВОМАЙ. Ми куке но ӵошен пусйылӥм 
Та шулдыр Первомай праздникез – 
Парадын вамышъям горд флаген, 
Малпамы, мынӥськом узьмаге. 

Табере мукетгес странамы, 
Оскисько: пыраклы на кылиз 
Огшоры вазиськон сюлмамы: 
"Уж бордын улонлэн пуштросэз." 

Мангал ӵын мед ӝутскоз инбамозь... 
Ӝӧк вылад пон сиён, лэзь рюмка! 
Азьло кадь ик котыр мед вӧлмоз: 
"Мир понна! Уж понна! Май понна!" (берыктӥз Ник.В.П.)