Ум вунэтэ ноку соосты, кин асьмелы эрик кузьмаз! (+фото)

Нырысь соос понна школаын ужасьёс пиналъёсын ӵош шулдыр концерт возьматӥзы. Собере 7 ар талэсь азьло лэсьтэм видеороликсэс учким. Отын ож дырысь нылпиос луись агайёс но апайёс асьсэды но тодмазы. Жаляса вераны кулэ, видеоысь куд-огъёсыз кулэмын ини. Та роликез дышетӥсь Миронова Ирина Васильевна дасям. Туж бадӟым тау солы.

Берло ваньмы туспуктэме но усим. Лыктэм куноосты, туж гажаса, чай сектазы. Ӝӧк сьӧрын соос кырӟаса но басьтӥзы, пинал дыръёссэс тодазы вайыса.
Праздникмес йылпумъяз «Бессмертный полк». Пиналъёс но пыдын ортчыны быгатӥсьёс, фронтовикъёслэсь фотооссэс кутыса, гурт кузя ортчизы.

Ум вунэтэ ноку соосты, кин асьмелы эрик кузьмаз!
Быдӟым ожлудысь бертымтэ ожгарчиос!
Ми, тӥляд внукъёсты но правнукъёсты,
Тӥледлы музъемозь йыбырттӥськом,
Ваньдэсты тодамы возиськом.
Семьяды тӥледыз ожлудэ келяку,
Оскизы, дыр, ваньзы: «Улэпен со бертоз!»
Кузпалэд, анаед изьыны выдыкуз,
Инмарлы куриськиз, дыр: «Палэнты кулонэз!»
Нош сьӧд пилемо шимес ожлудын
Кышкатэк ожмаськид тон, герой.
Улондэ жалятэк вир кисьтӥд
Вордӥськем музъемед, семьяед понна!
Трос аръёс со дырысен ортчизы.
Анаед, кузпалыд туж кема оскизы.
Бертоз атаймы шуыса, нылпиосыд витизы.
Сюлэм яразы пыраклы кылиз.
Улэп нылпиосыдлэн, внукъёсыдлэн сюлмазы
Кылид вунонтэм луыса тон, герой!
Тынэсьтыд тусбуйдэ внукъёсыд басьтозы.
Соослэн ужъёсазы, сюлмазы «улэп» тон, герой.
9-тӥ куартолэзь! Вормон нунал!
Тӥ улэпъёсын ӵош вамыштӥськоды.
«Бессмертный полк» уз быр ноку!
Дауръёсын ӵошен вамыштоды!
Адямиос! Ум вунэтэ ноку,
Кин асьмелы эрик кузьмаз!
Кин улэпен яке сӧсырмыса ожысь бертӥз.
Нош кин бертыны ӧз быгаты ноку!

Екатерина Иванова,
Вылын Ушма гурт