Ветеран нимез басьтон понна

«Ужысь ветеран» ним таӵе учыръёсы сётӥське:

- СССР-лэн яке Россия Федерацилэн орденъёсыныз яке медальёсыныз, дано нимъёсыныз данъям, яке асьсэ удысазы нимаз ик тыршыса ужамзы понна (ведомственные знаки отличия в труде) пусъем но арлыдъя яке выслугая пенсия тодмоямон ужам аръёсыз луэм адямиослы;

- Быдӟым Отечественной война аръёсы быдэ вуэмзылэсь азьло ужаны кутскем но тырмыт ужан стажзы (пиосмуртъёс понна со ӧжытсэ 40 ар, нош кышномуртъёслэн 35 ар) луэмъёслы;

«Ведомственные знаки отличия в труде» шуэмез валэктыса: татчы СССР-лэн, РСФСР-лэн, Россия Федерацилэн государственной органъёсыныз, СССР-лэн, РСФСР-лэн, Россия Федерацилэн общественной объединениоссылэн но организациоссылэн центральной органъёсынызы но организациосынызы юнматэм данъян грамотаосын, дипломъёсын, гадьпусъёсын пусъем, сӥё-дано нимъёсты басьтэм государственной (удыс) функциосты улонэ пыӵатонэ пыриськись яке пыриськем муртъёс пыро.

«Коммунистической ужысь ударник» ним Профсоюзъёслэн Всесоюзной Центральной Советэзлэн Президиуменыз юнматэмын но коммунистической уж понна движение пыриськемъёсты тунсыкъяськытон ужрад луыса гинэ сётӥське вал. Со адямилэн кытын кин луыса ужаменыз герӟаськытэк сётӥськиз но нимысьтыз уж возьматэмез понна пус луыса ӧз лыдъяськы. Озьыен, «Коммунистической ужысь ударник» гадьпусэн «Ужысь ветеран» ним басьтыны уг луы.