Зор но, лымы но кышкыт ӧвӧл...
Православной оскисьёслэн календарязы праздникъёссы уно. Нош соос пӧлын тужгес витьымонэз — Семык. Та праздниклы куноос быдэс Россиысь берто. Ас ӵыжы-выжыоссылэн шайгу вылазы мыно, нош ӝытазе люкасько Покчи Лӧзя гуртын ортчись «Берёзка» праздникамы.
Туэ но 27 мае «Берёзка» котыр улосысь куноосты люказ. Куазь шоры учкытэк, ӝытазе площадкаын туж трос калык вал ини. Праздникын ужазы вузкарон но шулдыръяськон павильонъёс. Шудонъёс но ӵошатсконъёс ужрадэз задор каризы. Палэнысен учкыса валаны луэ, кыӵе шулдыръяськыны быгатӥсь но ужез яратӥсь асьмелэн калыкмы. Учкид ке, одӥг паласен адӟод, кызьы нылпиос горшок пыргыто, мукет сэрегын бадӟымъёс гын сапег лэзьяло, эшшо кыдёкынгес канат кыскало, вуэн тырмытэм тазысь улмо поттыны тыршо... Со сяна но праздникын уно тунсыкоесь конкурсъёс вал.
Та ӝытэ калык вань сюлмысен шулдыръяськиз, шудӥз, конкурсъёсын вормылӥз. Кызьы бен шум уд поты, куке котькуд шудонын туж уно кузьымъёс вал. Нимаз ик пусйыса верам потэ кузьымъёсты дасяны юрттэм спонсоръёсмы сярысь. Тани соос: «Сурнай» общество, «Ушма» общество, ИП Султанов Ильмир, «Стройматериалъёс», «Талисман», «Ялтра», «Берёзка» магазинъёс, «София» вузкарон центр.
Огъя вераса, инкуазь ӧз ке но шумпотты, ваньмылэн мылкыдмы ӝутскемын вал.
Галина Петрова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев