Петунияне ничек дөрес үстерергә – иң кирәкле киңәшләр

Петуния-бакчачылар арасында иң яраткан һәм популяр берьеллык үсемлекләрнең берсе. Аның кабарынкы, якты чәчәкләре чәчәк түтәлләрен, балконнарны һәм террасаларны җәй башыннан көзгә кадәр бизәп тора. Мул чәчәк атуга ирешү өчен үсентеләрне дөрес үстерергә һәм аларны дөрес карарга кирәк.

1. Орлык чәчү: вакыт һәм кагыйдәләр

Чәчү вакыты: төп кагыйдә – үсентеләр  өчен петуния орлыкларын туфракка  утыртканчы  8-10 атна алдан чәчәргә кирәк. Гадәттә бу февраль – март айлары. Әгәр дә Сез үсемлекләрне май ахыры-июнь башында утыртырга телисез икән, нәкъ менә хәзерге чорда чәчәргә кирәк инде.

Нинди туфракка утыртырга кирәк.  Үсентеләр өчен әзер катнашманы кулланырга яки бакча туфрагын, торфны һәм комны тигез пропорциядә катнаштырып кулланырга мөмкин.   Авырулардан саклану өчен, грунтны һичшиксез дезинфекцияләгез. (мәсәлән, пар яки марганцовка эремәсен файдаланыгыз).

Савытлар: чәчү өчен теләсә нинди тирән булмаган контейнерлар, пластик стаканнар яки үсентеләр өчен кассеталар ярый. Аларның аскы ягында тишекләр булуы мөһим.

Чәчү процессы:

Савытларны туфрак белән тутырыгыз, җиңелчә тыгызлагыз һәм дымлатыгыз.

Петуния орлыклары бик вак. Аларны ике ысул белән чәчеп була:

Коры орлыклар белән: орлыкларны грунт өслегенә тигез итеп таратыгыз.

Орлыкларны ком белән кушып: орлыкларны коры ком белән кушыгыз һәм килеп чыккан катнашманы сак кына чәчегез.

Тирәнәйтмәгез! Петуния орлыклары шытып чыгу өчен яктылыкка мохтаҗ, шуңа күрә аларны грунтка җиңелчә генә кысып куялар яки юка катлам (2-3 мм дан артмый) иләнгән ком яки вермикулит сибәләр.

Пульверизатордан чәчүлекләргә  җылымса су сиптерегез, парник эффекты булдыру өчен контейнерны пленка яки пыяла белән каплагыз һәм җылы (22-25°C) якты урынга куегыз.

Петуния шытымнарын тәрбияләү:

  Беренче шытымнар гадәттә 7-14 көннән күренә. Беренче элмәкләр барлыкка килү белән, черемәсен өчен, шунда ук ышык урыныгызны (пленканы яки пыяланы) алыгыз.

Яктырту: петуния чәчәкләренә яктылык бик кирәк, бигрәк тә беренче атналарда. Табигый яктылык җитәрлек булмаса, фитолампалар кулланып, аны 12-14 сәгать яктылык белән тәэмин итегез.

Температура: үсентеләр өчен оптималь температура - 18-20°C.

Су сибү: үсентеләрне, яфракларга су эләкмәсен өчен, тамыр астына пөхтә итеп сибегез. Бүлмә температурасындагы   судан файдаланыгыз. Артык дымлылык - яшь үсемлекләрнең төп дошманы.

Пикировка: шытымнарда 2-3 чын яфрак барлыкка килгәч (орлык өлешлеләрен исәпләмәгәндә), аларны пикировкалап куярга кирәк. Һәр үсемлекне аерым стаканга яки аннан да иркенрәк савытка пөхтә итеп күчереп утыртыгыз, чәчкенне орлык өлешендәге яфракчыкларга кадәр тирәнәйтегез. Бу өстәмә тамырлар барлыкка килүне стимуллаштыра.

 Үсентеләрне алга таба карау:

Өстәмә тукландыру: пикировкадан соң 10-14 көн үткәч, чәчәкле үсемлекләр өчен комплекслы ашламалар  белән (якынча 2 атнага бер тапкыр) үсентеләрне тукландыра башлагыз.

Чыныктыру мөһим!!! Ачык туфракка утыртылырга 10-14 көн кала үсентеләрне чыныктыра башлагыз. Саф һавада булу вакытын акрынлап арттырып, аны  ачык урынга яки бакчага алып чыгыгыз. Төнгә калдырсагыз  кыраулар  төшү юклыгына инаныгыз.

Петунияне чәчәклеккә утырту:

Утырту вакыты: Петунияне ачык грунтка  кырау куркынычы беткәч һәм туфрак яхшы җылынгач утырталар. Гадәттә бу бездә май ахыры – июнь башы була.

Урын сайлау: Петуния кояшлы, җилдән сакланган урыннарны ярата.

Нинди түтәл кирәк?: чәчәклеккә утырту өчен  түтәлнең йомшак, уңдырышлы туфраклы булуы кирәк. Туфрак авыр булса, торф яки ком өстәгез.

Ничек еш утыртабыз: сортына карап, үсемлекләрне бер-берсеннән 20-40 см ераклыкта утырталар.

Утырту: тишекләр казыгыз, аларны яхшы итеп су белән түгегез. Туфрак өеменә зыян китермәскә тырышып, стаканнан үсентеләрне пөхтә генә тартып алыгыз. Үсемлекне чокырга салыгыз, туфрак белән күмегез, җиңелчә тыгызлагыз һәм тагын бер кат сибегез.

Чәчәк аткан петунияне карау:

Су сибү: эссе көннәрдә петуния даими һәм мул сибүгә мохтаҗ. Яфракларга су эләкмәсен өчен, иртән яки кич су сибегез.

Өстәмә тукландыру: чәчәк аткан вакытта петунияне һәр 10-14 көн саен чәчәк атучы үсемлекләр өчен комплекслы ашламалар белән тукландырырга кирәк. Мул чәчәк ату өчен калий һәм фосфор аеруча мөһим.

Шиңгән чәчәкләрне бетерү: чәчәк аткан чәчәкләрне даими рәвештә бетерегез. Бу яңа үсентеләр барлыкка килүне стимуллаштыра һәм үсемлекнең декоратив күренешен саклый.

Кисү: бик нык үскән петуния куакларын, тармаклану һәм яңа бәбәкләр ясалуны стимуллаштыру өчен, йолкып алырга яки кисеп алырга мөмкин.

Шушы гади кагыйдәләрне үтәп, сез җәй буе сезне матурлыгы белән сөендерерлек куе, мул чәчәк атучы петуния куаклары үстерә алырсыз!