№29. «Балтач кабагы-2024» бәйгесенә Балтачтан Иделия Зәйнетдинова
Җиңүчеләр «Иң оригиналь кабак үстерүче», «Иң яшь кабак үстерүче», «Иң зур кабак үстерүче», «Иң күп кабак үстерүче», «Иң өлкән кабак үстерүче» номинацияләрендә ачыкланачак.
Кабак утырттык язын
Нәни генә орлыктан.
Күршеләргә чыгып үскән
Коймадагы ярыктан.
Тамыры бар, кабагы юк,
Күршебез тора көлеп.
Әкияттәге зур аюны
Алдаган абый кебек.
Нишләргә диеп башым кашыйм
Мин утырттым бит аны.
Шырыт кына карап йөрим
Кызыктыра кабагы.
Энем дә ярата ашарга
Сеңлемә дә витамин
Әллә инде күршеләрдән
Ялынып сорап карыйм?
Әй әнием булган минем,
Бигрәк тәмле пешерә.
Бәлеш ашадык беркөнне
Күршеләр белән бергә. (Алсу Хәкимҗанова)
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев