Яңгулның көмеш волонтерлары «Добро. Рф» сайтына теркәлде

Махсус хәрби операция башланганнан соң, халыкта патриотик хисләр тагын да көчәйде. Моңа бер генә дәлил китерик: авылларда гуманитар ярдәм әзерләү базалары будырылып, алар тулы көченә эшли башлады.

«Без — «Игелекле Балтач» үзәге хезмәткәрләре — Яңгул авылының көмеш волонтерлары янында булдык, аларны «Добро. Рф» сайтына теркәдек, эшләгән эшләре белән таныштык, дип хәбәр итә үз хәбәрчебез, «Факел» клубы методисты Фирүзә Гатиятуллина.

Волонтерларның барысы да бер теләк белән яна: «Тизрәк тынычлык килсен иде дә, егетләребез үз нигезләренә исән-сау әйләнеп кайтсын иде!»