Бәрәңге согы

Бәрәңге согының файдасы турында күптәннән беләләр. 

Ул ялкынсынуны баса, җәрәхәтне җыя, бәвелне куа, су алмашын көйли, йөрәк эшчәнлеген яхшырта. Аналыкта миома булганда, югары кислоталы гастрит, эч кибү, шикәр чире, ашказаны һәм уникеилле эчәк җәрәхәте интектергәндә файдалы, дип санала. 

Гастрит һәм колиттан дәвалану өчен, бик яхшылап юылган бәрәңгене кабыгын чистартмыйча уып, согын сыгалар, көненә 3 тапкыр, ашарга ярты сәгать кала, чирегешәр стакан эчәләр. Гастрит һәм колиттан дәва курсы — 4-6, ашказаны җәрәхәтеннән — 6-8 атна. 

Халык медицинасы чаралары белән дәвалануга керешкәнче, табиб белән киңәшү зарур!

Тулырак: https://madanizhomga. ru/