Кремны белеп сөртегез

Кышкы салкыннарда сөрткән тукландыргыч, майлы кремны читкә алып куярга ашыкмагыз, аны язгы айларда сөртә торган җиңелчә крем белән чиратлаштырыгыз: башта көнаралаш алмаштырып сөртегез.

Әгәр бит тирегез коры икән, кич тукландыргыч крем кулланыгыз, ә иртән — җиңелчә дымландыра торганын (кышкы иртәдә — тукландыргыч, кичкә дымландыргыч крем сөртелә). Коры тире өчен булган кремда гиалурон кислотасы булырга тиеш, әмма май да, глицерин да түгел. Ә төнгелеккә составында коллаген, аминокислота, пептид, Е витамины булган тукландыргыч крем сөртү яхшы. 

Бит тиресе майлы, яки катнаш типта булса, кич белән битне чистарткыч сыеклыкта АНА һәм ВНА кислоталары булырга тиеш. Пигмент таплары хасил булса, иртән дымландыргыч эмульсия сөртү әйбәт, дип яза Туганайлар.