Юл хәрәкәте иминлеге
Җиңел автомобиль зур йөк машинасы астына килеп кергән. Кайда?
Машинаның копоты, шофер ягындагы ишеге җимерелгән, алдагы һәм шофер ягындагы тәрәзәләре ватылган.
Татарстанда М7 трассасында җиңел автомобильнең зур йөк машинасына бәрелү мизгеле видеога эләккән. Авария урынында төшерелгән кадрларны социаль челтәр кулланучылар үз аккаунтларына урнаштырган.
Беренчел мәгълүматлар буенча, юл-транспорт һәлакәте бүген көндез, Чаллы тирәсендә булган.
Кадрларда күренгәнчә, зур булмаган фургон-җиңел машина йөк автомобиленең артына бәрелгән. Машинаның копоты, шофер ягындагы ишеге җимерелгән. Алдагы һәм шофер ягындагы тәрәзәләре ватылган. Көчле бәрелү нәтиҗәсендә, җиңел автомобиль зур йөк машинасының ярымприцебы астына кергән.
Автомобиль янында ЮХИДИ һәм Гадәттән тыш хәлләр министрлыгы хезмәткәрләре бар. Авариянең сәбәпләре һәм зыян күрүчеләр саны ачыклана.
Фото: соцсети
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Нет комментариев