Машина бәрдереп үтергән малайныӊ канында спирт табылган

Киров өлкәсе Уржум районы Буйск авылында бу җәйдә, 19июль көнне Nissan Qashqai маркалы машина велосипед белән олы юлга чыккан 6 яшьлек баланы бәрдерә. Инде август аенда әзер булган экспертиза нәтиҗәләрен әти-әнигә яӊа тапшыралар. Анда язылганча, авариядә һәлак малайныӊ канында 0,51 промилле спирт табылган.

Туганнары фикеренчә, экспертиза нәтиҗәләренеӊ соӊ бирелүе авариядә катнашкан чит ил машинасында руль артында булган 45 яшьлек ир-ат полициядә хезмәт итә, шунлыктан тикшерү сузыла. Шунысын да әйтергә кирәк, Nissan Qashqai маркалы машина шоферы авариядән соӊ кан анализлары тапшыра, әмма анда этонол булмый.

Белгечләр әйтүенчә, 0,51 промилле спирт —  бу 50 грамм  40 градуслы аракы яисә ике бутылка пиво кулланылган, дигән сүз.

Хәзерге вакытта бу эш Россия Тикшерү комитеты җитәкчесе Александр Бастрыкин контроленә алынган.

Баш фото: pixabay.com/ru