Дәүләт Думасы торак-коммуналь хезмәтләре квитанцияләрендә рекламаны тыйды
Закон рәсми төстә басылып чыкканнан соң 60 көн узгач үз көченә керәчәк.
(Казан, 23 ноябрь, «Татар-информ»). Дүләт Думасы торак-коммуналь хезмәтләре квитанцияләрендә рекламаны тыю турындагы законны өченче укылышта кабул итте. Хәзер коммерция характерындагы гына түгел, социаль реклама да тыела, дип яза «Известия».
Документка аңлатма язуында әйтелгәнчә, шәһәр кешеләреннән квитанцияләрдәге рекламаның зарарлы йогынтысы уңаеннан күпсанлы шикаятьләр килә. Хәзер рекламаны түләү кәгазенең бер ягында да урнаштырырга ярамый. Депутат Игорь Тарощин сүзләренчә, еш кына әлеге рекламаларда дөрес булмаган мәгълүматлар китерелә. Шунлыктан хәзер квитанцияләрдә тарифлар турында һәм хезмәт күрсәтүче оешмаларның мәгълүматы гына урын алачак, дип хәбәр итә BFM.RU.
Закон рәсми төстә басылып чыкканнан соң 60 көн узгач үз көченә керәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев