Кариле авылында яшәүче кибеттән 1098 сум 59 тиенлек товар урлаган
РФ Административ хокук бозулар кодексының 7.27 маддәсенең 2 өлеше нигезендә В.га 3000 (өч мең) сум күләмендә административ штраф салынган
Кариле авылында яшәүче В., кибеттән 1098 сум 59 тиенлек товар урлый.
Зыян күрүче Р. судка ревизия вакытында берничә шешә коньяк булмавы ачыклануын аңлатты. Видеоархивны караганда, 2024 елның 13 декабрендә гражданин В. хатыны белән кибеткә килгән. Алар хатыны белән бергә түләгән азык-төлектән тыш, ул бер шешә коньяк һәм сыр алган. Коньякны курткасының бер кесәсенә, ә сырны икенче кесәсенә тыгып куйган. Кассада исә бу товарлар өчен түләми.
Шаһит сыйфатында сорау алынган әлеге гражданинның хатыны судка сөйләгәнчә, алар ире белән өйгә кайткач, пакетта алар сатып алмаган бер шешә коньяк күргән һәм ул бу шешә коньяк өчен ире түләргә оныткан, дип уйлый.
РФ Административ хокук бозулар кодексының 7.27 маддәсенең 2 өлеше нигезендә В.га 3000 (өч мең) сум күләмендә административ штраф салынган.
Тимербаева В. И.,
Татарстан Республикасы Балтач районы суды буенча 1 нче суд участогының җәмәгать судьясы ярдәмчесе
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев