Казанда Даурская урамындагы кафены вакытлыча япканнар

Суд Казанда «Шаурма шоп» җәмәгать туклануы предприятиесе эшчәнлеген 60 тәүлеккә туктатты. Карар прокуратура таләбе буенча планнан тыш күчмә тикшерү уздырган Роспотребнадзор идарәсе материаллары буенча кабул ителгән.

Даурская урамындагы 11нче йорттагы кафены тикшергәндә санитария законнарын күпсанлы бозулар ачыкланган. Бинада технологик процесслар агымы үтәлми, технологик җиһазлар һәм җитештерү цехлары җитәрлек түгел, хезмәткәрләргә гигиена әзерлегеннән, медицина тикшерүеннән һәм вакцинациядән башка эшкә кертелгән, шәхси гигиенаны үтәү өчен шартлар юк, җитештерү лаборатория контроле оештырылмаган, савыт-саба һәм инвентарь юу режимы бозылган, юу һәм дезинфекцияләү чаралары, биналарның гигиена торышы канәгатьләнерлек түгел һәм маркировкасыз һәм документларсыз чимал кулланыла.

Моннан тыш, әзер ризыкларда һәм юынгычларда бактерияләр табылган. Шәхси эшмәкәргә административ хокук бозу һәм эшчәнлекне вакытлыча тыю турында беркетмәләр төзелде. 

Новости Татарстан – ТатарстанДа