Татарстанда яшәүче 250 меңнән артык кеше күчемсез милеккә онлайн гариза биргән

Татарстанда 2026 елның җиде аенда халык һәм оешмалар кадастр исәбенә һәм күчемсез милекне теркәүгә 340,3 меңнән артык гариза биргән. Мөрәҗәгатьләрнең күп өлеше — 250,3 меңе электрон рәвештә кергән.

Татарстан Росреестры мәгълүматлары буенча, онлайн-гаризалар саны узган елның шул ук чоры белән чагыштырганда 10% ка арткан.

Гыйнвардан июльгә кадәр ведомствога күчемсез милеккә хокукларны теркәүгә барлыгы 268,1 мең гариза кергән. Тагын 47,6 мең мөрәҗәгать объектларны кадастр исәбенә куюга кагылган, ә 24,5 мең гариза ике процедураны да бер үк вакытта үткәрү белән бәйле булган.

Бу чорда Татарстан Росреестры күчемсез милек объектларына карата 600,6 меңгә якын теркәү һәм исәпкә алу гамәлләре башкарган.

Иң күп операцияләр торак биналарга туры килгән — 133,8 мең. Шулай ук белгечләр җир кишәрлекләре белән 110,3 мең гамәл һәм машина урыннары белән 6 меңгә якын гамәл рәсмиләштергән.

Вести Татарстан