Балтачлылар социаль контракт төзеп, үз эшләрен башлап аны уңышлы тормышка ашыралар

Балтачта социаль контракт төзеп, үз эшләрен башлап аны уңышлы тормышка ашыручылар бихисап. Шундыйларның берсе – Буянова Алена Сергеевна. Алена «Ветеринария» белгечлеге буенча югары белемле хезмәткәр.

Диплом алганнан соң ук һөнәре буенча эшли башлый. 2025 елда Алена дәүләт социаль ярдәме турында ишетә һәм күп тә уйлап та тормыйча үзенең күптәнге хыялын тормышка ашырырга — үз ветеринария клиникасын ачарга карар кыла. Балтач районының социаль яклау бүлегенә мөрәҗәгать иткәннән соң һәм барлык документларны рәсмиләштергәннән соң, Алена кичекмәстән эшкә керешә һәм ике айдан соң клиника үз ишекләрен ача. Хәзер Аленаның үз эше һәм даими тотрыклы кереме бар.

Азат Марат улы ​Сәфәргалиев та социаль контракт ярдәмендә үз эшен башлаучылардан.  Азат тормыш иптәше белән  Бөрбаш авылында яши. Азатның әтисе агач эшкәртү белән шөгыльләнгән, гаилә эшен дәвам итәргә теләп ул социаль контракт төзи, кирәкле документларны рәсмиләштергәннән һәм белгечләр белән киңәшләшкәннән соң, Азат агач эшкәртү станогы сатып ала һәм үз эшен башлый.