Балтачта мөмкинлеге чикле балалар өчен чыршы бәйрәме үтте

Чыршы бәйрәмен балалар гына түгел, ә өлкәннәр дә зарыгып көтеп ала. Бүген «Хыял» яшьләр үзәгендә физик мөмкинлекләре чикләнгәннәр өчен дә чыршы бәйрәме узды.

Чарада катнашучыларны район башлыгы Рамил Нотфуллин сәламләп, изге теләкләрен җиткерде.

 – Районыбызда ел дәвамында Сабантуйлар, төрле фестивальләр, марафоннар үткәрелә. Актив тормыш рәвеше алып барасыз. Киләчәктә дә яңадан-яңа чаралар оештырыгыз, без һичшиксез ярдәм итәчәкбез, –  диде Рамил Рәшитович.

Физик мөмкинлекләре чикле райондашларыбыз өчен әзерләнгән чара чыршы тирәли җырлап әйләнү, кызыклы конкурслар, мастер-класслар, Кыш бабай белән Кар кызы чыгышлары, концерт номерлары белән дәвам итте.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.