Борщевик өчен хәзер штраф яный

2026 елның 1 мартыннан Россиядә борщевикка каршы көрәшнең катгый кагыйдәләре үз көченә керде. 

Бу кемнәргә кагыла?

Дача, шәхси йорт һәм коммерция оешмалары хуҗаларына. Сез участокта яшисезме, әллә ул ташландык хәлдә торамы – борщевик үскән икән, сезгә җавап бирәсе.

Ни өчен мондый чаралар күрелгән?

• Борщевикның суы кояш тәэсирендә тирегә җитди җәрәхәтләр ясый.
• Бер төп борщевик 20 меңгә кадәр орлык бирә, алар тирә-якка тарала.
• Әгәр чүп үләнгә тимәсәң, ул 5 метрга кадәр үсә, туфракны ярлыландыра.

Борщевикны игътибарсыз калдырсаң, нәрсә була?

– Күзәтчелек органнары күрсәтмә бирәчәк.
– Әгәр күрсәтмә игътибарга алынмаган икән – физик затлар өчен 20 меңнән 50 мең сумга кадәр штраф салына.
– Кабат хокук бозу кабат штрафка һәм хәтта участокны тартып алуга китерергә мөмкин.

Борщевикны ничек җиңәргә?

1. Үсемлекне тамыры белән бергә юк итәргә.
2. Көрәшнең иң нәтиҗәле ысулы – гербицидлар, аларны катгый рәвештә инструкция буенча кулланырга кирәк.
3. Борщевикны алганнан соң, аның урынына куе үлән яки алмаштыргыч культуралар чәчегез.

Исегездә тотыгыз: чиста участок – ул сезнең гаиләгезнең иминлеге һәм табигать турында кайгырту.