Чутайда өлкәннәрне хөрмәтләделәр

Чутайда өлкәннәр өчен музыкаль кичә үткән. "Кызыл юл" хуҗалыгы ярдәме белән мәдәният хезмәткәрләре мул өстәл әзерләп, бәлеш, коймаклар пешереп, өлкәннәрне кунак иткән.

Чара барышында ветераннар күңелле җырлар тыңлаган, биюләр караган, истәлекле мизгелләр белән уртаклашкан. Тәмле ризыклар һәм җылы аралашу өлкәннәргә чын бәйрәм рухы бүләк иткән.

Ветераннар хуҗалык җитәкчелегенә һәм мәдәният хезмәткәрләренә ихлас рәхмәт сүзләре җиткергән.