Казанда «Ров» документаль фильмының премьерасы узды

Бүген Татарстан башкаласында «Мир» кинотеатры мәйданчыгында «ТНВ» телеканалыннан Ринат Юзаев режиссурасындагы «Ров» документаль фильмының премьерасы булды. Күрсәтү картина өстендә эшләгән бөтен команда катнашында узды.

Фильм тамашачыга Бөек Ватан сугышы елларында 15 яшьлек кыз исеменнән Идел буенда оборона рубежлары төзелеше турында сөйли, анда масштаблы хәрби-кыр төзелешенең бер өлешенә әверелгән кешеләр язмышындагы авыр көнкүреш һәм фаҗигале вакыйгалар күрсәтелә.

«Документаль фильмның бурычы – билгесезне билгеле нәрсә турында сөйләү. Казан оборонасы турында бөтен кешенең ишеткәне бар. Мин дә аның турында күп ишеттем. Ләкин мин моның ничек булганын беркайчан да белмәдем. Боларның барысын да экскаваторлары, тракторлары булмаган кешеләр эшләгән – барысы да кул белән. Һәм алар бу өч йөз километрлык чикне ясаган», - дип белдерде генераль продюсер, «ТНВ» генераль директоры, Татарстан Журналистлар берлеге рәисе Илшат Әминов.

Татар-информ