Менә алар, республика бәйгесендә катнашып уңышлы чыгыш ясаган райондашларыбыз (+фото)

1.«Лидер ир-ат» номинациясендә – "МДСУ-1" районара юллар идарәсе оешмасы җитәкчесе Рашит Ильясов;

2. “Хатын-кыз – ел үрнәге” номинациясендә – Кариле авылы кызы, мактаулы исемнәргә лаек мәгариф ветераны, тарихчы, эшмәкәр Гөлсем Миңнебаева;

3. “Өченче яшь герое “ номинациясендә - Улисьял авылыннан үзешчән сәнгатькә гашыйк ветераныбыз Татьяна Кузьмина;

4. “Хатын-кыз – мәдәният һәм рухият” номинациясендә – Карадуганнан Муса Җәлил һәм Себер тракты музееның директорые Фирая Зыятдинова;

5. “Хатын-кыз – ана” номинациясендә – Нөнәгәр авылыннан күпбалалы ана, балалар бакчасында тәрбияче булып эшләүче Зөлфидә Тләкова;

6. “Язмышым - һөнәрем” номинациясендә – Чепья авылыннан авыл хуҗалыгы хезмәтчәне Римма Кузнецова,

7. “Изге йөрәкле ир-ат” номинациясендә – үзенең игелекле гамәлләре белән мактауга лаек, район торак-коммуналь хуҗалык идарәсе хезмәткәре мәрхәмәтле райондашыбыз Балтачтан Фаил Габдрахманов чыгыш ясады.

Балтач районыннан барлыгы 7 номинациядә көч сынаштылар. Һәрбер конкурсантның чыгышында гаиләсенең, туганнарының һәм хезмәттәшләренең көче кергән иде. Шуңа күрә дә әлеге бәйгедә иң актив катнашкан район буларак, райондашларыбызга олы рәхмәт белдерәбез.

Рәсми Балтач

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.