Нөнәгәрдә Наил Фәсыйхов истәлегенә багышланган иҗат кичәсе узды

Нөнәгәр авылында Наил Фәсыйхов истәлегенә багышланган  «Җырларым – тормыш дәвамы» дип исемләнгән иҗат кичәсе узды.

Чарада Наил әфәнденең гаиләсе, шәкертләре, хезмәттәшләре катнашты.

Наил Фәсыйхов – райондашларга таныш шәхес. Нөнәгәр авылында яшәп, авылның мәдәният өлкәсендә эшләп, олысын-кечесен җыр-бию сәнгатенә тартып, күркәм хезмәтләре белән күңелләргә үтеп кергән кеше. Татар эстрадасының танылган йолдызлары Раяз һәм Рәсим Фәсыйховлар да аның, хәләле Илсөяр ханым белән җыр-моң дәрьясында үстергән, күркәм холыклы әнисе Ләйлә әбинең (әби мәрхүмә инде, искә алулар рухын шат кылсын. ред.) тәрбиясен алган җыр-моң  уллары.

Наил Фәсыйхов оста гармунчы иде, шигырьләр язды, җырлар иҗат итте. «Җырларым – тормыш дәвамы» дип исемләнгән иҗат кичәсендә тамашачы аларны кабат ишетү бәхетенә ия булды.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.