«Шома бас» фестиваль-конкурсында Балтач биючеләре җиңү яулады

17 һәм 18 май көннәрендә Мари Эл республикасының Йошкар-Ола шәһәрендә Республика татар мәдәнияте үзәгендә бию буенча «Шома бас» VIII Халыкара фестиваль-конкурсы булып узды.

Фестиваль-конкурс талантлы һәм үзенчәлекле коллективларның иҗади потенциалын эзләү һәм ачу, шулай ук милли традицияләргә, халыкларның музыкаль һәм бию мирасына мәхәббәт һәм кызыксыну уяту максатында үткәрелә.

Балтач балалар сәнгать мәктәбенең «Абрикоски», «Ассолинки», «Виво» хореография коллективлары (җитәкчеләре Э. Э. Васинкина) – II дәрәҗә лауреат, «Веселушки», «Вдохновение», «Кристаллики» хореография коллективлары –  I дәрәҗә лауреат, «Изюминки» хореография коллективлары (җитәкчеләре Л. А. Дәүләтшина), солистлар Гобәйдуллина Иделия (җитәкчесе Э. Э. Васинкина) II дәрәҗә лауреат, Шәйхетдинова Ясминә (җитәкчесе Васинкина Э.Э.) III дәрәҗә лауреат исеменә лаек булды. Котлыйбыз!