Яратам мин илемне

Якты кояш нуры сүрелмәсен
Туган илнең зәңгәр күгеннән.
Ил тоткасы булып яшәр идем,
Белем алып чыксам үзеннән.
Хыялларым эшкә ашсын иде,
Киләчәкнең күрим үрен дә.
Яратам мин сине, туган илем,
Йолдыз булсам иде түреңдә.
Хөрмәт итәм сине туган илем
Карашларың якты булганга.
Безгә ярдәм кулы сузган өчен
Терәк булдың күңел тулганда.
Татарстан туган илем минем,
Синдә минем бәхет учагым.
Кайгы-шатлык килгән чакларда да,
Бергә үттек язмыш кочагын.

Рауза Гафиятуллина,
Нөнәгәр авылы.

Фото: stihi