Балтач укучылары «Олимпка юл» республика олимпиадасы призерлары булдылар

16-18 гыйнвар көннәрендә Казанның «Дуслык» мәгариф-сәламәтләндерү комплексында химия буенча «Олимпка юл» республика олимпиадасы узды.

Безнең районнан дүрт укучысы олимпиадада катнашып, барысы да призер булдылар:

- Шәрәфетдинов Рәйхан, Кече Лызи урта мәктәбенең 8 сыйныф укучысы, җитәкчесе Гыйбадуллина Гүзәл Равил кызы;
- Гыйматдинова Камилла, Балтач гимназиясенең 9 сыйныф укучысы, җитәкчесе Хафизова Эльвира Мөдәрис кызы;
- Вәлиева Айгөл, Салавыч күппрофильле лицееның 10 сыйныф укучысы, җитәкчесе Бадриева Резеда Габделхак кызы;
- Шәфигуллина Нәргизә, Балтач урта мәктәбенең 11 сыйныф укучысы, җитәкчесе Гыйбадуллин Ришат Ринат улы.

Барлык призерларны һәм аларның җитәкчеләрен ихлас күңелдән котлыйбыз. Алга таба уңышлар һәм җиңүләр телибез.