Балтач мәктәбе активистлары «Күңелле стартлар» үткәрде.
Мәктәп тормышын тагын да кызыклырак итү өчен Балтач урта мәктәбе волонтерлары әледән-әле төрле чаралар, очрашулар, тематик кичәләр үткәреп кенә тора. Болар барысы да сыйныфташлар, югары һәм түбән сыйныф укучылары арасында дуслыкны ныгыта, бердәм коллектив туплый.
Күптән түгел мәктәп активистлары башлангычлар ягында ачык һавада спорт бәйрәме оештырды. «Күңелле стартлар»да һәр сыйныф актив катнашты. Сәламәтлек иң зур байлык булуын теория аша түгел, практикада аңлату күпкә отышлы, ди волонтерлар. Файдалы да, кызык та.
Руфия Закирова фотолары
Нет комментариев