Татарстанда эксперимент кысаларында 3600 укучы ике фән буенча имтихан тапшырачак
Спикер билгеләп үткәнчә, 11 сыйныфка, ә аннары югары уку йортына баручылар өчен таләпләр үзгәрмәгән
Быел Татарстанда тугызынчы сыйныфны тәмамлаучылар имтиханга бары тик ике мәҗбүри фән — рус теле һәм математика тапшыра алачак. Бу хакта республиканың Мәгариф һәм фән министры урынбасары Минзәлия Закирова хәбәр итте.
Эксперимент 3600 укучыга кагылачак. Әлеге имтиханнар нәтиҗәләре буенча өстәмә фәннәр буенча тест нәтиҗәләре таләп ителми торган белгечлекләр буенча колледжларга керергә мөмкин булачак. Инициатива булачак һөнәрләрен билгеләгән кешеләр өчен урта һөнәри белем бирү учреждениеләренә керүне җиңеләйтергә тиеш.
Спикер билгеләп үткәнчә, 11 сыйныфка, ә аннары югары уку йортына баручылар өчен таләпләр үзгәрмәгән.
Узган ел шундый ук эксперимент Россиянең өч төбәгендә уңышлы узды. Быел экспериментта илнең 12 субъекты катнашачак. Министры урынбасары сүзләренчә, мондый алым укучыларга да, педагогларга да йөкләнешне киметә.
Вечерняя Казань
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев