20 гыйнвар көнне Яңгул урта мәктәбенең "Хыял" балалар оешмасы укучылары, концерт программасы белән, Чепья авылында урнашкан "Наз" тернәкләндерү үзәгендә булып кайтты.
Укучыларыбыз тарафыннан оештырылган әлеге концерт биредә ял итүче өлкәннәргә бик ошады. Моңлы җырлар, йөрәккә үтеп керә торган шигырь юллары, дәртле биюләр тамашачыларның көчле алкышларына күмелде. Ахырдан өлкәннәр балаларга үзләренең рәхмәт хисләрен җиткерделәр. Шулай ук әлеге үзәк хезмәткәрләре дә укучыларның чыгышларына югары бәя бирделәр һәм кабат чакырып калдылар.
Өлкәннәребезнең йөзләрендәге шатлык чаткылары, күзләрендәге яшь тамчылары безне тагын изге эшләр эшләргә өндәде, өлкәннәрнең кадерен белергә кирәклекне тагын бер кат искәртте, дип хәбәр итәләр "Хыял" балалар оешмасыннан.
Нет комментариев