Яңгул авылында яшәүче Рауза Фатыйховага 90 яшь тулды.
Юбилярны котларга район башлыгы урынбасары Наил Сабирҗанов, «Яңа тормыш» җәмгыяте җитәкчесе Мәгъсүмҗан Сәйфетдинов, авыл җирлеге башлыгы Ранил Габдрахманов килгән иде.
– Яшьлегемдә эшләмәгән эшем калмады. Шөкер, картлыгым муллыкта, балалар игелегендә уза. Һәр көнемә шөкерана кылып, Аллаһы Тәгаләгә рәхмәт укыйм, – ди Рауза апа.
Авылдашы Нурислам белән дүрт бала үстерә алар. Кызганыч Равиле генә бик иртә гүр иясе була. Нурислам абый да инде вафат. Өч баласы, 9 оныгы һәм 12 оныкчыгы өчен куанып, һәрберсенә рәхмәтле булып яшәгән көне юбилярның.
Нет комментариев