1 июльдән поликлиникага язылу кагыйдәләре үзгәрде
2026 елның 1 июленнән Россиядә поликлиникаларга кабул итүгә язылуның яңа тәртибе гамәлгә керде
Яңа кагыйдәләр буенча планлы медицина ярдәменә язылу мөмкин кадәр цифрлы форматка күчерелә, ә регистратураларның эше яңача оештырыла(«Шәһри Казан»).
Төп үзгәрешләрнең берсе – тар профильле белгечләргә турыдан-туры язылу мөмкинлеген чикләү. Хәзер андый табибларга эләгү өчен башта терапевт каравын узарга һәм аның юлламасын алырга кирәк булачак.
Пациентлар өчен тагын бер яңалык – «акыллы» электрон чират системасы кертелә. Әгәр кирәкле вакытка буш урын булмаса, система чираттагы бушаган вакытны автомат рәвештә броньлап, бу хакта пациентның шәхси кабинетына хәбәр җибәрәчәк.
Шулай ук медицина документларының зур өлеше электрон форматта алып барылачак. Бу кәгазь документлар әйләнешен киметергә һәм хезмәт күрсәтүне тизләтергә мөмкинлек бирәчәк.
Үзгәрешләр медицина учреждениеләренең эш тәртибенә дә кагыла. Кискен симптомнар белән мөрәҗәгать иткән пациентларны иртәнге сәгать 8:00дән башлап кабул итәчәкләр. Ә көндезге һәм кичке вакыт нигездә алдан язылган пациентларны планлы кабул итү өчен билгеләнәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев