Шифаханәләргә бушлай юллама бармы?
«55 яше тулган кешеләр шифаханәләргә бушлай бара ала, дип ишеткән идек. Бу дөресме? Моның өчен кая мөрәҗәгать итәргә кирәк?» дип сораган Балтачтан Р. Әсхәдуллин.
Сорауга Балтач районы социаль яклау бүлеге җитәкчесе Алсу Гатиятуллина җавап бирә.
– Федераль ташламага ия булмаганнар юллама алу буенча безгә мөрәҗәгать итә ала. Тик үз кагыйдәләре бар. Беренчесе – милек ягыннан тәэмин ителеш, ягъни әлеге кеше башына туры килгән квадрат метрлар расланган нормативлардан артмаска тиеш. Шулай ук керемнәрнең күләменә дә бәйле. Аның билгеләнгән суммасы бар. Пенсионерларныкы – дүрт яшәү минимумы күләмендә. Әйтик, быел яшәү минимумы 13 мең сумга якын. Моны дүрткә тапкырларга кирәк. Бу сумма – 52 мең сум.
Юллама алырга теләгән кеше бары табиблардан белешмә генә тапшыра. Калганнарын үзебез запрос ясап тикшерәбез. Барлык күрсәткечләргә туры килгән очракта республика буенча электрон чиратка куябыз. Без шифаханәләргә ике төрле юллама буенча җибәрәбез. Берсе – төгәл бару вакыты күрсәтелгән юллама. Икенчесе – 25 мең сумлык сертификатлар. Аны шундый сертификат белән эшли торган ял йортлары арасыннан сайларга була. Вакытын да үз җаеңа билгеләргә мөмкин. Пенсиягә карап, юлламаның күпмедер өлешен түләргә туры килә. Ә сертификат булганда, түләргә кирәкми.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев