Шубан авылында төзелешләр гөрли

Быел районда заманча ике фельдшер акушерлык пункты төзелә. Шуларның берсе Шубан авылында. Биредә эшләр тәмамлануын шубанлылар түземсезлек белән көтә.

Шулай ук Шубан мәктәбендә дә төзекләндерү эшләре бара. Шушы көннәрдә район башлыгы Рамил Нотфуллин төзелеш объектларында булды. Район башлыгы төзелештәге эшләрдән канәгать булуын белдерде. 

«Социаль объектлар - район халкының көнкүрешен яхшыртуның мөһим өлеше. Шуңа да бездән эшләрне сыйфатлы һәм вакытында башкару таләп ителә», - дип билгеләп үтте Рамил Нотфуллин.