Татарстанда «Мактаулы донор» күкрәк билгесен кертергә тәкъдим иттеләр

«Татарстан Республикасының Мактаулы доноры» күкрәк билгесен кертү идеясен Хокук мәсьәләләре буенча ведомствоара координация комитетының эш төркеме утырышында карадылар. Бу хакта ТР Юстиция министрлыгының Матбугат хезмәте хәбәр итә.

Яңа республика бүләге кешеләрне даими рәвештә кан тапшырырга, шулай ук аларның гомерләрен саклап калуга керткән өлешләрен рәсми рәвештә билгеләп үтәргә этәрергә тиеш. Фикер алышуда катнашучылар ассызыклаганча, донорлык статусын күтәрү ашыгыч медицина ярдәме, планлы операцияләр һәм авыр пациентларны дәвалау өчен кирәкле донорлык резервын ныгытырга ярдәм итәчәк.

Түбәндәге күләмнәрдә түләүсез кан тапшырган гражданнар өчен билге булдыру тәкъдим ителә:

• тулы кан - 20 дән 40 тапкырга кадәр һәм аннан да күбрәк;
• плазманы – 30 дан 60 тапкырга кадәр һәм аннан да күбрәк;
• кан һәм плазма тапшыру, 13 һәм аннан да күбрәк тулы канлы донация һәм 20 дән 40 процедурага кадәр, яки тулаем кан тапшыруның 13 тән кимрәге һәм плазманың 30 дан 60 донациясенә кадәр.

Фикер алышу йомгаклары буенча бүләкне гамәлгә кую тәртибен беркетәчәк норматив хокукый акт проектын әзерләү турында Карар кабул ителде.

Татар-информ