Бүген 14 февральдә "Сабантуй" ял паркына чаңгы шуарга килүчеләр картинг ярышын да тамаша кылдылар.
Иртәнге сәгать 10.00да Балтач сөт-май комбинаты янындагы мәйданда карт тибындагы автомобильләрдә узышу ярышы башланып китте. Барлыгы өч командада Балтач урта мәктәбе, ДОСААФ автомәктәбе укучылары һәм Кукмара командалары уенчылары көч сынашты.
Ярышларда 16 автомобиль катнашты. Иң җитезләр булып, Балтачның ДОСААФ автомәктәбе укучылары Ислам Хәйруллин белән Айназ Хөснетдинов һәм Кукмара егете Рәсим Галимов танылды. Алар өчесе дә төрле типтагы карт машиналары белән беренче урында җиңү яуладылар.
Нет комментариев