Җирне ямьләп яз килде

Элеккеге еллардагы кебек бизәлгән атлар, шау-шулы тамашалар белән озатмасак та, быелгы чаралар да үзенчәлекле булып тарих битләренә язылды. Бәйрәм кунаклары кайнар коймак, чәй, шашлыктан авыз итте. Моңлы җырлар чара ахырына кадәр тынмады. Мәйданда уеннар гөрләде: оста атучылар, җитез чаңгычылар, югары класслы шоферлар билгеләнде. Гомуми нәтиҗәләр буенча «МДСУ-1» оешмасы беренчелекне яулады. Икенче, өченче урыннарны исә район эчке эшләр бүлеге белән район Советы командалары бүлеште. Балалар өчен дә аерым мәйданчыклар эшләде. Кыскасы, халык рәхәтләнеп ял итте, күңел ачты.