Куныр волейболчылары Казанда волейбол үзәгендә уйнаячак (+фото)
Балтачта Татарстан мәктәпләре арасында Мәктәп волейбол лигасы уеннарының муниципаль этабы булып узды
Ярышларда Арча, Кукмара, Биектау, Теләче, Саба, Әтнә (узган елгы ярышларның чемпион командасы) һәм Балтач даның яклаучы Куныр урта мәктәбе командасы катнашты.
Кызу уеннар көн дәвамында барды, зона җинүчеләре узган елгы кебек Әтнә һәм Балтач командаларны арасында билгеләде. Узган елны командабыз 2-1 исәбе белән Әтнә командасына җиңелеп, суперфиналга үтә алмаган иде. Искәртеп узарга кирәк, Әтнә командасы ул вакытта ярышларның төп җиңүчесе булып чыкты.
Җиңел алынган беренче партиядан соң, икенче партияне дә шундый ук җиңеллек белән оттырды командабыз. 15 очкога тикле уенда Казанга путевка уйнатылды, җинүчене фаразлап та булмаган өченче партиядә җанатарлар дулкынлану хисе кичерде. Һәм ниһаять, чираттагы партиядә берничә тупны рәттән отып, уенчыларыбыз җиңү яулады. Куныр мәктәбе волейболчылары Казанга юлламага ия булды. Алар быелгы уку елында Казанда волейбол үзәгендә узачак суперфинал ярышларында катнашачак.Командабызга уңышлар теләп калабыз.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев