Россия хоккей тарихында әле мондый хәлнең булганы юк иде – тренерлар сугышты.

Ильнур, 3 апрель 2015 - 10:16

2361

КХЛда Гагарин кубогы өчен көрәш барганда, Югары хоккей лигасындагы командалар Брагин кубогы өчен көч сынаша. Ярымфинал раундында Ижевскиның "Ижсталь" һәм Тверьнең ТКХ командалары арасындагы соңгы уен аеруча мавыктыргыч узды.

Россия хоккей тарихында әле мондый хәлнең булганы юк иде – тренерлар сугышты.

Әлеге матчта "Ижсталь" командасы овертаймда 3:2 исәбе белән җиңү яулап, гомуми нәтиҗәне үз файдасына 3:0 ясап куя.

Ә аңа кадәр боз мәйданы, дөресрәге тренерлар штабы өчен билгеләнгән урын, чын мәгънәсендә сугыш кырына әйләнә. Очрашуның исәбеннән бигрәк, әлеге матчта тренерларның үзара сугышуы истә калгандыр да инде. Россия хоккей тарихында әле мондый хәлнең булганы юк иде.

Исәп 2:0 булган вакытта команда тренерлары Алексей Ждахин (ТХК) һәм Андрей Разин ("Ижсталь") үзара сугыш оештырып, азакка кадәр уеннан куып чыгарыла. Разин үзе белән командасын да алып чыгып китәргә теләсә дә, хөкемдарлар әлеге карарыннан баш тартырга күндерә.

Бүген, 3 апрельдә, командалар дүртенче тапкыр очраша. Бозда ни буласын чамалавы да кыен...